Јувентус и Сити спремаат спектакуларна трампа

И додека целиот свет се обидува да го реши проблемот со коронавирусот, европските гиганти се спремаат за наредната сезона.

Спортските директори веќе работат на засилување на тимовите за следната сезона, а последните информации од Италија говорат дека Јувентус и Манчестер Сити и ова лето спремаат интересна трампа.

Имено, Миралем Пјаниќ на крајот на сезоната готово сигурно ќе го напушти Јувентус бидејќи не се задоволни од неговите партии оваа сезона, а и самиот играч сака промена на средината.

За неговите услуги се заинтересирани ПСЖ и Манчестер Сити, па Јувентус сака да ја искористи ситуацијата и да договори трампа со „граѓаните“.

„Старата дама“ е заинтересирана за Бернардо Силва и е спремна на Етихад да го испрати Пјаниќ плус 20 милиони евра за потписот на Португалецот.