Јувентус и Арсенал договорија размена на дефанзивци

Како што пренесуваат италијанските медиуми, Јувентус и Арсенал се пред комплетирање на интересна трампа на дефанзивци.

Спортскиот директор на „старата дама“, Фабио Паратичи е во Лондон и имал средба со „топџиите“ бидејќи е заинтересиран за десниот бек Хектор Белерин.

Белерин и самиот најави дека сака да ја промени средината, а Арсенал нема да му стои на патот и ќе го пушти во Торино.

За возврат „топџиите“ го побарале Даниеле Ругани, кој е на излезна врата од Јувентус и нема против да се пресели на „Емирати“.

„Скај Италија“ пренесува дека трампата е начелно договорена и во следните денови треба да се договорат последните детали.