Јеро одби повторно да биде спортски директор на репрезентацијата

Фернандо Јеро и официјално повеќе не е селектор на шпанската репрезентација, потврди денес Фудбалската федерација.

Јеро, кој на селекторското место дојде после изненадниот отказ на Лопатеги, одбил да се врати на местото спортски директор, иако неговиот договор со Федерацијата е се уште во сила.

„После многу километри поминати заедно Федрацијата и Фернандо Јеро ставаат крај на своите професионални односи. Последниот селектор одби да се врати на местото спортски директор бидејќи бара нови предизвици во кариерата“, стои во официјалното соопштение.

Јеро во два наврати беше спортски директор на репрезентацијата, од 2007 до 2011 и од ноември 2017 до почетокот на Мундијалот.