Јанис го доби дуелот со Дончиќ, петти триумф во низа за Лејкерси 🎥

Tимот на Милвоки го доби дербито со Далас во НБА лигата со 112:109, ова беше и дуел на кандидатите за МВП во лигата, Јанис Антетокумпо и Лука Дончиќ.

Јанис ја доби битката со Дончиќ и на индивидуален и на тимски план. Грчкиот кошаркар го заврши натпреварот со 31 поен, додека Дончиќ запиша 28 поени и 13 асистенции. Треба да се спомена дека Антетокумпо од линијата за слободни фрлања имаше катастрофални 1/10. Голем придонес во победата на Милвоки даде и Мидлтон кој во последните 150 секунди постигна осум од неговите 25 поени.

Одличен натпревар одиграа Оклахома и Чикаго кој на крајот заврши со резултат 127:125. Победникот се реши после едно продолжение. Домаќините имаа негатива од 22 поени во третата четвртина, но успеаа да се вратат. Големи заслуги за тоа имае Гилџес-Александар со 33 поени и 10 асистенции. Лавин кај Чикаго беше најефикасен со 35 поени.

Шампионот Лејкерси беше убедлив против Индијана со 112:95 и ова беше петти триумф во низа за Леброн и друштвото. Леброн мечот го заврши со 21 поен, 11 асистенции и девет скока, Ентони Дејвис во победата учествуваше со 17 поени и шест скока.

НБА РЕЗУЛАТИ: Милвоки – Далас 112:109, Бостон – Орландо 124:97, Кливленд – Њујорк 106:103, Оклахома – Чикаго 127:125 (пп), Јута – Аталанта 116:92, Лејкерси – Њу Орлеанс 112:95, Сакраменто – Клиперси 100:138.