Ѕвездата на Наполи открива: Татко ми секогаш ми зборуваше за Марадона, а мој идол беше Роналдо

Еден од најважните фудбалери на Наполи во сезоната во која многумина веруваат дека можат да дојдат до титулата во Серија А после подолго време открива интересни детали од своето детство.

Фудбалерот на Наполи, Лоренцо Инсиње признава дека во неговото детство слушал многу приказни за Марадона, кога во прашање е фудбалот за него секогаш на првото место бил Роналдо.

Доколку Инсиње остане во Наполи до завршувањето на неговата кариера сигурно кај навивачите на Наполи ќе остане запаметен како икона на овој клуб.

Сега фудбалерот на Наполи открива дека во детството неговиот татко често пати му зборувал за Диего Армандо Марадона. Инсињо го почитувал она што Марадона го направил, но негов фудбалски идол бил Роналдо.

„Роналдо тогаш играше за Интер, клуб кој никој во Наполи не го сака, но знаевме дека Роналдо е еден од најдобрите во историјата. Сакам да му се извинам на мојот татко бидејќи сакав да ми купи копачки какви што Роналдо носеше на Светското првенство. Се сеќавам и денес на нив, „R9s“, сребрено сини…Беа неверојатно многу зборував за нив“.

„Веројатно во тие моменти сакаше да ме „убие“ бидејќи тој зборуваше само за Марадона. Растеше со неговите генијални потези. Сепак, не можев да го разберам бидејќи немав прилика да го видам како игра. За мене Роналдо беше и остана најдобар играч во историјата“, открива Инсиње.