Ѕвездата на Леверкузен има „смешна“ клаузула: Гигантите се „тепаат“ за него

Јулијан Брант е еден од најдобрите фудбалер во Бундес лигата и голема желба на европските гиганти, а посебно привлечен го прави неговата откупна клаузула.

Младиот Германец и оваа сезона игра одлично во Бундес лигата и го привлече вниманието на многу европски, меѓу кои Манчестер Јунајтед, Реал Мадрид и Јувентус.

Сега еминентните германски медиуми „Билд“ и „Кикер“ пренесуваат дека во трката за неговиот потпис се вклучил и Ливерпул. Јирген Клоп сака да го донесе својот сонардник на „Енфилд“ и веќе го известил раководството да работи на трансферот.

Она што посебно го прави интересен Брант за европските гиганти е што може да го добијат за „само“ 25 милиони евра. Имено, толку изнесува неговата откупна клаузула во договорот кој е со важност до 2021 година.

Пред неколку дена „Билд“ пренесе дека Јувентус е во пол позиција за неговиот потпис и дека веќе работи на трансферот. Меѓутоа, Клоп може да одигра важна улога во одлуката на фудбалерот и да го „украде“ пред носот на „старата дама“.

Брант во актуелната сезона зад своето име на 37 натпревари за Баер има учинок од седум погодоци и 14 асистенции. Кај селекторот Јоаким Лев во репрезентацијата на Германија дебитираше во 2016 година и од тој моемнт е стандарден репрезентативец, дресот на Германија го носеше на 24 натпревари и постигна два гола.

https://youtu.be/O2vHA4aj7bM