Ѓоковиќ: Далеку сум од максиумот, но веќе не чуствувам болка

Некогаш најдобриот тенисер на светот, Новак Ѓоковиќ во последно време не е ни блиску до посакуваното ниво, а причината за драстичниот пад лежи најмногу во проблемите со повредите.

Ѓоковиќ после операцијата на лактот се врати на теренот и тоана Индијан Велс, каде веднаш на стартот беше елиминиран од Даниел.

„Се уште не сум во својaта најдобра состојба, далеку сум од максиумот но последните два дена не почуствував болка и во состојба сум да се концентрирам само на играта. Тоа е прилично освежување после се. После долго време се чуствувам добро, размислувам за тенисот, а не за тоа дали ќе имам болки или не. Беше тоа фрустрирачки период. “ – започна Ѓоковиќ па продолжи:

„Научив многу за себе. Беше голем благослов да поминам преку ова. Последните шест-седум години бев доста успешен во овој спорт и сум благодарен на тоа, но очигледно морав да се соочам со различните околности и ситуации со кои никогаш се немав соочено.“

Новак Ѓоковиќ  ќе настапи на Мастерсот во Мајами каде во второто коло ќе игра против подобриот од дуелот Зверев – Пер.