Што се случува со Гатузо? Мафијата му ги пали колите и му се заканува…

Според пишувањето на италијанскиот Il Messagger, Џенаро Гатузо доживува голема драма.

46-годишниот тренер моментално е на чело на Марсеј и води голема борба да го втурне клубот во делот од табелата кој гарантира европски натпреварувања, но вистинските проблеми настанаа во неговата родна земја Италија.

Таму неговото семејство пријавило во полиција дека Ндрангета, озлогласената калабриска мафија, им се заканува со смрт и дека Гатузо сака да го исели семејството од Италија.

Се започнало кога таткото на Гатузо и уште еден член на семејството планирале да постават фото-панели на семејниот имот, а за тој проект добил околу 80 илјади долари. За ова дознала мафијата и се обидела да му користи лихварство и барала да им плати три илјади евра за заштита.

Во меѓувреме направиле неколку потези за да го заплашат познатиот поранешен фудбалер, па двапати го запалиле автомобилот на неговата ќерка и ја демолирале куќата на неговата сестра.

Гатузо попуштил и им ја платил бараната цифра пред еден месец, но сега стравува за животот на своето семејство и се надева на полицијата, која според последните извештаи уапсила двајца осомничени.