Шок за светските шампионки: САД и Андоновски елиминирани во осминафиналето!

Светот ќе добие нов светски шампион во фудбал во женска конкуренција, ова стана јасно откако селекцијата на САД предводена од Македонецот, Влатко Андоновски денес беше запрена во осминафиналето.

Подобри од Американките беа Швеѓанките кои славеа по изведувањето на пеналите.

Андоновски беше назначен за селектор на САД во 2019-та година и очекувањата беше САД и овој Мундијал да оди до самиот крај, но тоа не се случи.

Поради неуспехот во прашање се доведува и позицијата на Андоновски на селекторската функција.