Шкендија бара итно имплементирање на ВАР системот

Македонскиот прволигаш Шкендија јавно истакна дека се залага за воведување на ВАР-систем на натпреварите од Првата фудбалска лига.

„Шкендија ја изразува својата загриженост за големите пропусти во судиската област во домашниот фудбал и итно бара имплементација на ВАР системот. Овој чекор ќе обезбеди потранспарентно опкружување и ќе помогне да се спречат произволни грешки, со што ќе се зголеми веродостојноста и стандардот на играта. Веруваме дека оваа акција ќе помогне да се подигне имиџот на фудбалот и ги замолуваме сите клубови да ни се придружат во оваа иницијатива за чиста и фер игра“, се вели во соопштението на ФК Шкендија.

Фудбалската федерација на Македонија пред шест дена најави употреба на ВАР системот во Првата лига со цел да не се дозволи неправда во фудбалот, без разлика на цената.