Ширер: Ако Јунајтед ги купи овие тројца фудбалери, повторно ќе биде број 1

Легендарниот англиски голгетер, Алан Ширер посочи тројца фудбалери со кои Манчестер Јунајтед може да се врати на старите славни патеки.

Ширер ги советува „црвените ѓаволи“ да ги донесат Џејдон Санчо, Хари Кејн и Џек Грилиш, играчи кои во последно време силно се поврзуваат со трансфер на „Олд Трафорд“.

Јунајтед во последно време е во резултатска криза и последен пат ја освои титулата во Премиер лигата во 2013 година со Алекс Фергусон.

„Солскјер беше во право кога кажа дека поради финансиски проблеми некои клубови ќе бидат принудени да ги продадат своите ѕвезди. Јунајтед нема финансиски проблеми и може да профитира од целата ситуација. Клубот е стабилен  и ќе биде во предност пред останатите на трансфер пазарот“.

„Јунајтед за повторно да биде број 1 има потреба од три големи засилувања. Ако навистина ги донесат Санчо, Кејн и Грилиш, тоа се точно фудбалерите кои му се потребни на тимот за да ја врати доминацијата во Англија“, истакна Ширер.