Чупиќ: Беше чудно, но успеав да ги исклучам емоциите

Пред неколку месеци Иван Чупиќ го напушти Вардар и премина во ППД Загреб, а вчера се врати во „Јане Сандански“ во натпреварот кој Вардар го доби со 20:24.

Чупиќ истакна дека е среќен што се сретнал со навивачите.

„Констатно разликата беше еден-два гола, Вардар ги искористи нашите грешки. До реваншот имаме четири дена и ќе дадеме максимум на домашен терен. Одигравме лошо прво полувреме кое посебно треба да се анализира. Од моментот кога стигнав во Скопје се ми беше чудно, но успеав да ги исклучам емоциите додека бев на теренот. Мило ми е што после долго време ги видов навивачите“, изјави Чупиќ.