Чудо и хит во Европа: Тим од 6.1 милион евра е лидер на Примера!

Aндалузијците се апсолутен хит во Шпанија, но и во Европа!

Фудбалска Европа се надеваше на „Ел Класико“ овој викенд, но политичката ситуација во Каталонија го одложи судирот на Барселона и Реал, па место некоја мајсторија на Меси, Суарез, Крос, Модриќ…Шпанија пишуваше за Домингеш Дуарте, Виктор Дијаз, Херман Санчез...За нив можеби и не сте слушнале ама тие се лидери во Ла Лига!

Навистина Гранада има натпревар повеќе од Барса и Реал, но веќе со ист број одиграни натпревари има повќе бодови од Реал Сосиедад, Атлетико Мадрид, Севиља…Гранада сезонава неодоливо потсетува на чудото Лестер во Премиер лигата, иако покрај Барселона, Реал и Атлетико никој не верува дека Гранада ќе остане на врвот ама не се веруваше и за Лестер.

Во Гранада платите се дури за 18 пати помали од Барселона, овој клуб на годишно ниво издвојува 35.460 милиони евра, само Ваљадолид и Мајорка се полоши. За споредба Барса на плати троши 671.430 милиони евра.

Ова лето лидерот во Примера потроши само 7.250 милион евра. Поставата која го победи Бетис во последното 10-ти коло вредеше 6.1 милиони евра, додека Бетис само за еден Борха Иглесијас плати 28 милиони евра. Најскапо засилување на Гранада беше Дарвин Мачис од Удинезе и Домингош Дуарте, за двајцата платија по три милиони евра, Јан Брис дојде од Б тимот на Севиља за еден милион евра.

Гранада е таму каде што последен пат беше пред 46 години и каде што никогаш не била после 10 одиграни кола. Имаат 20 бодови колку и во сезоната 2016/2017 кога испаднаа и тие 20 бода ги освоија после 38 кола. Тогаш и Тони Адамс пристигна да се обиде нешто да промени, меѓутоа не успеа Гранада испадна.

Џани Поцо од фамилијата која ги држи Вотфорд и Удинезе за 37 милиони евра ја продаде Гранада. Купувачот беше Џијанг Лижанг кој има 5% акции во НБА тимот Минесота, 60% во италијанската парма и сопственик е на кинескиот клуб Чокинг.

Почекајте да слушнете кој ја води Гранада…

Диего Мартинез – човек кој со 38 години е најмлад тренер во Примера, дебитант во елитниот караван. Тој и понатаму зборува дека сето ова е убаво, но за него најважна цел е опстанокот. Инсистира на тимскиот дух и се обидува да го подобрува така што играчите имаат заеднички екскурзии и викенди..

Што и да прави засега го прави перфектно!