Човекот со најдобра работа во светот: Освојува трофеј за секои 10 минути на теренот

Eдно име од редовите на актуелниот англиски шампион, Манчестер Сити посебно се издвојува – Скот Карсон.

Овој човек кој е трет голман во Манчестер Сити вчера го освои неговиот 11-ти трофеј во кариерата.

„Скот Карсон е човекот кој ја има најдобрата работа во светот“, пишуваа фановите на Манчестер Сити на социјалните мрежи.

Луѓето кои се занимаваат со статистика на Островот пресметаа дека Карсон освоил титула за секои десет минути кога бил на теренот.

Во редовите на Манчестер Сити тој пристигна прво на позајмица летото 2019 година од тимот на Дерби Каунти, додека во 2021 година потпиша и перманентен договор со „граѓаните“ како слободен играч по истекот на договорот.

Низ кариерата Карсон без премногу да се „испоти“ се израдува на: Четири титули во Премиер лигата, еден трофеј во Лигата на шампионите, еден ФА Куп, два трофеи во Лига Купот, еден Комјунити Шилд, еден Суперкуп на Европа и еден трофеј од Светското клупско првенство.