Челзи ја одби понудата од Интер за Канте

Антонио Конте е во потрага по засилување за Интер за наредната сезона, а најголема желба е Нголо Канте од Челзи.

Италијанците пишуваат дека иднината на Канте во Челзи е неизвесна па може да биде продаден. Конте според информациите е воодушевен од квалитетите на Французинот кој одлично го познава затоа што двајцата соработуваа на „Стенфорд Бриџ“.

„Газета дело Спорт“ пренесува дека Интер веќе испратил прва понуда за Французинот, која била експресно одбиена од страна на Челзи.

Интер понудил трампа со Марсело Брозовиќ плус пари, на што „сините“ веднаш кажале НЕ. „Нероаѕурите“ се обиделе како дел од трансферот да го вклучат и Кристиан Ериксен, но Челзи ја отфрлил и таа можност.

Лондонскиот клуб е спремен да го продаде Канте, но само ако пристигне понуда помеѓу 60 и 70 милиони евра.