Челзи се фраќа по Енцо и ќе руши рекорд!?

Челзи во јануари потроши повеќе од 300 милиони евра на нови засилувања, а газдата Тод Боели не планира да запре бидејќи има уште неколку желби кои сака да ги оствари.

Потругалски „Рекорд“ објави дека Челзи тргнал по услугите на Енцо Фернандез од Бенфика, кој не успеа да го купи на почетокот нја месецов.

Бенфика не сакаше да го продаде за помалку од 125 милиони евра, колку што изнесува неговата откупна клаузула, па Челзи сега е подготвен да плати толку пари и така да го урне трансфер-рекордот.

Премиерлигашот така би го урнал претходниот рекорд кој го држи Џек Грилиш, кој за 117,5 милиони евра го засили Манчестер сити од Астон вила.