Челзи се поврзува со Дембеле, еве што има Лампард да каже

Тренерот на Челзи, Френк Лампард за прв пат во јавноста прозборе за можноста да го ангажира напаѓачот на Лион, Муса Дембеле.

Одличниот напаѓач е мета на Челзи, а медиумите пренесуваат дека Лион веќе одбил една понуда од клубот од Лондон.

„Тој е играч кој јас го знам, а и во клубот го знаат, но чудно ми е што неговото име се поврзува толку често со нас. Тој е играч кој го почитувам, а ние во клубот зборуваме за играч кој може да не засили во фазата на постигнување голови. Сепак, Дембеле не е тој со кого преговараме на редовна основа, доколку има одлука за тоа и јас ќе бидам вклучен во истата“ –изјави Лампард.