Челзи најде голман за следната сезона

Најскапиот голман на светот, Кепа Аризабалага го загуби местото во првиот тим бидејќи менаџерот Френк Лампард не е задоволен од неговите изданија.

Лампард одлучи да му даде шанса на ветеранот Вили Кабалјеро, првиот избор Кепа го пресели на клупата, а тоа најверојатно ќе се случува и во следниот период.

Лампард наводно влегол и во конфликт со директорите на клубот и сака да го исфрли Кепа од тимот, па веќе нашол негова замена.

Англиските медиуми пренесуваат дека Лампард сака да го ангажира голманот на Барнли, Ник Поуп, кој оваа сезона блеска во Премиер лигата.

27-годишниот Англичанец дури е кандидат за прв голман на репрезентацијата на Европското првенство, а Лампард смета дека би имал одлична иднина на „Стенфорд Бриџ“.

Вториот канидат за наследник на Кепа е аргентинскиот чувар на мрежата на Удинезе, Хуан Мусо. Голманот пристигна во Серија А во 2018 година и пружа одлични партии оваа сезона.