Челзи е спремен да го пушти Пулишиќ во Манчестер Јунајтед само под еден услов

Челзи може да се согласи да го пушти на позајмица Пулишиќ во Манчестер Јунајтед, но само доколку претходно фидбалерот го продолжи договорот со „сините“.

Желбата на Челзи е да го продаде 23-годишниот крилен фудбалер и сака да си ги врати приближно парите кои ги вложи пред три години, односно 55 милиони фунти.

Пулишиќ има договор со „сините“ на уште две години, па Челзи не сака следното лето фудбалерот да се врати и да влезе во последната година од договорот.

Затоа ќе се согласи да го пушти на позајмица, но само ако претходно стави потпис на нов договор и сумата за откуп биде поставена приближно на 50 милиони евра.