Челзи го доведе „новиот Ван Дајк“

Челзи денес го официјализираше третото засилување, а станува збор за холандскиот централен дефанзивец Хавиер Мбујамба, кој според многумина се смета за новиот Вирџил Ван Дајк.

18-годишниот дефанзивец потпиша 3-годишен договор со тимот од „Стемфорд Бриџ“.

Мбујамба ја започна својата кариера во МВВ Мастрихт пред да се приклучи на школата во Барселона во 2019 година. Сега го раскина договорот со клубот од „Камп Ноу“ и потпиша договор со Челзи.

„Чудно е што Ајакс и ПСВ Ајндховен никогаш не ме бараа, но истото важи и за репрезентацијата на Холандија. За прв пат бев повикан во ноември 2019 година. Тренерскиот тим веднаш ми рече дека е чудно што не сум бил забележан претходно“, изјави Мбујамба.