Челзи го враќа Игуаин, а Јувентус му го нуди на Интер

Аргентинскиот напаѓач Гонзало Игуаин ја игра една од најлошите сезони во кариерата, а и неговата иднина е крајно неизвесна.

На крајот на сезоната му завршува неговата позајмица во Челзи, а англиските медиуми тврдат дека „сините“ веќе донеле одлука и сигурно нема да го откупат неговиот договор.

„Тутоспорт“ пренесува дека Челзи веќе го известил Јувентус дека на крајот на сезоната ќе го врати Игуаин. Но, проблем е што „бјанконерите“ повеќе не сметаат на него.

Наводно Јувентус веќе има спремен план и ќе му го понуди Игуаин на Интер, како дел од трансферот на Мауро Икарди.

Икарди најверојатно ќе го напушти Интер ова лето, а негова најголема желба е преселба во Јувентус, па ваквата трампа е возможна.

Сепак, проблем е шпто Игуаин годишно заработува 9,5 милиони евра по сезона, плата која Интер не може да си ја доволи.

Во секој случај, иднината на 31-годишниот Аргентинец ова лето ќе биде многу актуелна.