Челзи во последна офанзива на Обамејанг: Барса ја одредила цената – три милиони повеќе од понудата!

Челзи тргна во последната офанзива по потписот на Пјер Емерик Обамејанг од Барселона.

Како што објави добро известениот Џерард Ромеро, Челзи за 33-годишниот Габонец понудил 27 милиони евра, а од Барса одоговорот бил негативен затоа што сакаат три милиони евра повеќе. Сепак разликата од три милиони евра не би требало да биде „кочница“ за трансферот.

Во меѓувреме со Обамејанг се поврзуваше и Манчестер Јунајтед, но наводно Габонецот е решен повторно да соработува со Томас Тухел со кого заедно беше во Борусија Дортмунд.

Медиумите пренесуваат дека денес би требало да бидат договорени личните услови на Обамејанг, а потоа ќе следи и финален договор помеѓу клубови.

Во Каталонија ќе потсетиме Обамејанг пристигна како слободен играч на крајот на јануари, па така Барса од него би имала „чиста“ заработка.