Чави за Дембеле: Повеќе ништо не можам, чекам да се огласи

Oсман Дембеле одлучи да ја одбие понудата од Барселона за продолжување на соработката.

Иако каталонскиот клуб беше спремен да му понуди нов договор. Дембеле преку својот агент побара финансиски условио кои клубот не може да му ги исполни. Медиумите пишуваат дека Французинот така го изневерил Чави затоа што на состаноците му зборувал дека сигурно ќе остане.

Чави сфатил дека Дембеле го лажел после последниот телефонски повик. Поради тоа каталонските медиуми пренесуваат дека стратегот на Барселона ја изгубил довербата во фудбалерот.

Денес за медиумите Чави порача дека не сака да зборува за Демебеле.

„Јас повеќе не можам да направам ништо. Мирно чекам да се огласи. Треба да излезе и да каже што мисли за неговата иднина. Јас мислам дека неговата иднина е Барселона“, изјави Чави.