Црвена Звезда – Јанг Бојс: Ќе го преживеат ли Швајцарците пеколот на Маракана?

Првиот меч во Швајцарија меѓу Јанг Бојс и Црвена Звезда заврши нерешено 2:2, а нешто слично можеме да очекуваме и на реваншот во Белград. Двете екипи си имаат свои предности и слабости, па од таа гледна точка тешко е да се предвиди кој ќе излезе како победник од овој двомеч и покрај тоа што домаќинот овој пат има блага предност.

Маракана ќе биде претесна, а Звезда ќе биде полетна

Црвена Звезда одигра онолку колку што требаше во Швајцарија и си ја оствари целта – не загуби од Јанг Бојс и постигна голови. Реално гледано, Јанг Бојс доминираше на теренот, создаваше шанси и ја контролираше играта но ни тоа не беше доолно за подобар резултат на домаќинот. Белграѓани пред двомечот најавија дека сакаат во Белград да ја решаваат судбината за влез во Лигата на Шампиони и сега се пред завршниот чин.

Тренерот Милојевиќ имаше доста време за одмор и спремање за овој реванш меч, многу повеќе време од својот колега од спротивната страна. Црвена Звезда не одигра натпревар минатиот викенд во домашниот шампионат и целосно се посвети за овој реванш меч. Тоа впрочем е и најголема предност за нив, покрај секако домашниот терен.

Атмосферата ќе биде пеколна. „Маракана“ ќе биде премала да ги прими сите љубители на фудбалот. Ќе гори стадионот во Белград, а домашните навивачи се уште повеќе “запалени” откако во Швајцарија се случија и неколку инциденти со домаќините и тамошната полиција.

Се на се, домаќините имаат доста предности и затоа оправдано се фаворити според букмејкерите.

Јанг Бојс има квалитет да се врати во игра

Како што веќе напоменавме, Јанг Бојс изгледаше надмоќнко на првиот меч. Сепак среќата не беше на нивна страна. Можеби проблем за нив беше и тоа што тој меч беше прв европски за тимот оваа сезона, за разлика од Звезда која веќе одигра шест натпревари пред тоа. Освен тоа тиа влегоа самоуверено во првиот дуел и тоа им се врати на резултатски план.Сепак, Јанг Бојс има поквалитетен состав ако се гледа според играчкиот кадар. Тимот е полн со швајцарски репрезентативци од сите категории и со играчи од Африка – сите репрезентативци на своите држави.

И оваа сезона се наоѓаат на лидерското место во Швајцарија, откако по 5 меча имаат 4 победи и едно реми со одлична гол разлика од 11:3.

За разлика од Звезда, тие немаа одмор и викендов играа меч од домашниот шампионат но славеа убедлива победа од 4:0 во дербито со Цирих и на некој начин си ја вратија и зголемија самодовербата пред гостувањето во Белград.