Циципас повторно „заглави“ во тоалет, па доби свирежи

Стефанос Циципас избори пласман во третото коло на УС Опен, откако по два часа и 45 минути го победи Адријан Манарино со 3:1.

Меѓутоа, публиката го исвиркуваше затоа што повторно „заглави“ во тоалет меѓу третиот и четвртиот сет.

Гркот направи сличен потег и против Енди Мареј, кој поради тоа го нарече грчкиот тенисер „измамник“.

Маратонските паузи не и се допаднаа и на публиката, која овај пат го исвирка.

„Не направив ништо погрешно, па не ја разбирам реакцијата. Доколку нешто не е според правилата тогаш можете да ме казните“, изјави Циципас.