ФФП повторно „изигран“, ПСЖ договори ново засилување и нема потреба да продава!

Како само им успева?

ПСЖ нема да има проблеми со финансискиот фер-плеј, иако со трансферот на Нејмар ги соборија сите рекорди.

Нејмар беше доведен за 222 милиони евра, Мбапе на крајот од сезоната ќе потпише договор со клубот за дополнителни 180 милиони евра, па многумина се прашуваат како воопшто е можно ПСЖ да поминува неказнето од ФФП.

Вендел е наредниот фудбалер кој ќе пристигне во ПСЖ, неговата цена е околу 10 милиони евра. Се шпекулираше дека иако сумата е мала кога би пристигнал во Париз, а во случај никој да не биде продаде, ПСЖ конечно би го прекршил ФФП.

Сепак, тоа нема да се случи.

Какво е решението?

ПСЖ создава инвестиционен фонд преку кој ќе си овозможи да го купи 20 годишниот Вендел кој ќе настапува во Фламиненсе во јуни, а потоа ќе пристигне во Париз.