Фудбалерите до 17 години со втора победа над БиХ (видео)

Македонската репрезентација до 17 години денеска ја оствари и втората победа на гостувањето кај Босна и Херцеговина.

На денешниот натпревар одигран на стадионот „Бабовац“, македонската репрезентација поведе веќе во 3-та минута, кога по проигрување на Елези, Георг Стојановски стрелаше прецизно за водство од 1:0.

Во 48-та минута Александар Кахвиќ го израмни резутатот, а по голема грешка, односно недоразбирање меѓу нашиот голман Василев и одбраната, фудбалерот на БиХ, Кахвиќ го постигна вториот свој гол за предност на домаќините од 2:1.

Во 79-та минута Бесарт Гуџуфи израмни на 2:2, а пред крајот на натпреварот со својот втор гол ја донесе втората победа.