„Франс Фудбал“ тврди: Мане го напушта Ливерпул

Интересот на Реал Мадрид за ѕвездата на Ливерпул, Садио Мане е силен и „кралевите“ ова лето ќе направат сериозен обид да го донесат на „Сантиаго Бернабеу“.

Мане во тандем со Мохамед Салах и Роберто Фирмино стана страв и трепет за многу екипи, меѓутоа наскоро Сенегалецот би можел да го напушти „Енфилд“.

„Франс Фудбал“ објави дека Ливерпул би можел да го продаде Мане за 150 милиони евра и тоа во Реал Мадрид, кој веќе долго време е заинтересиран за неговите услуги.

Мане во неколку наврати истакна дека одлично се чувствува во Ливерпул, но Реал Мадрид едноставно не може да се одбие.

„Франс Фудбал“ е еден од најеминентните спортски медиуми, кој ретко греши кога се трансферите во прашање.