Франс Фудбал: ПСЖ ја пронајде замената за Нејмар

Нејмар го носи дресот на ПСЖ и оваа сезона, иако цело лето се шпекулираше дека ќе го напушти Париз.

Во вториот дел од минатата сезона, Бразилецот влезе во судир со челните луѓе на клубот по што беше незадоволен и сакаше да ги напушти францускиот клуб и да се врати во Барселона.

Сепак, тоа не се случи и бразилецот остана во ПСЖ, но иако одигра само 9 натпревари оваа сезона поради повреда, успеа да постигне 6 голови.

Иако се чини дека ситуацијата меѓу двете страни се смири, Нејмар се уште нема намера да потпише нов договор со ПСЖ и сигурно ќе ја искористи првата можност да се врати на „Камп Ноу“.

ПСЖ е свесен за ова и сака да најде идеална замена за Бразилецот. Ова лето се шпекулираше дека тоа може да биде Пауло Дибала, но тој сепак остана во Јувентус.

Сега, според Франс Фудбал, во Париз се гледа нов кандидат како замена за Нејмар, а тоа е играчот на Ливерпул, Садио Мане.

На Парижаните им се допаѓа интензитетот со кој Сенегалецот игра во одбрана и напад, неговиот менталитет, а според многумина во Париз, тој е „совршен“ кандидат за замена на Бразилецот.

France Football report that the PSG board have decided that the ideal successor to Neymar Jr is Liverpool winger Sadio Mané – full story https://t.co/bt48qIrtNZ

— Get French Football News (@GFFN) December 9, 2019