Флоренци заминува од Рома: Сега не сум емотивно спремен да зборувам

 Aлесандро Флоренци имаше голема желба до крајот на кариерата да го носи дресот на Рома, но тоа нема да се случи.

Капитенот на Рома скоро сигурно ќе го напушти клубот до крајот на јануарскиот преоден рок и како што стојат работите кариерата ќе ја продолжи во Валенсија.

Реномираниот новинар Џалука Ди Марцио успеа да го сними Флоренци кој веќе е на пат за Валенсија. Десниот бек на Рома очигледно е разочаран што клубот одлучил да го испрати во Валенсија и не сакаше премногу да зборува.

„Емотивно не сум спремен да зборувам за тоа. Што да им кажам на навивачите на Рома? Постојат многу работи кои сакам да ги кажам, но сега не е време“, порача Флоренци.