ФИФА стравува: Во петок се објавуваат строго доверливи документи!

Од Меѓународната фудбалска федерација признаа дека нивниот систем е хакиран, втор пат оваа година.

Наводно, хакерскиот напад се случил во март, а се уште нема потврда за какви податоци и документи се работи. Очекувањата се во петок на сајтот „Фудбал Ликс“ да бидат објавени ексклузивните информации.

Некои извештаи наведуваат дека мета биле членовите на Европската фудбалска унија и преку нивните налози хакерите успеале да влезат и во ФИФА.

ФИФА за хакерскиот напад зборуваше претходната недела.

Како одговор на нападот се изјаснија со соопштение.

„ФИФА ги осудува сите обиди да се загрози доверливост, интегритетот и достоинството на било која организација со користење на нелегални средства и начини“.

„Фудбал Ликс“ прв пат доверливи документи објави во 2015 година, а германски „Шпигл“ потоа за голем број ексклузивни вести се повикуваше на мејлови и пораки до кои не е лесно да се дојде.