ФИФА нуди 16 милиони на секоја федерација, за да има СП на секои две години

Веќе некое време актуелна тема е Светското првенсво да се организира на секои две години, а јасно е дека парите се основниот мотив на ФИФА за тоа.

Од светската куќа на фудбалот е спремна да им даде солидна сума на пари на одредени федерации за да кажат ДА на оваа идеја. Медиумите откриваат дека станува збор за 16 милиони евра во период од четири години.

Идејата е овој план да заживее од 2026 година и на Мундијалот да учествуваат 48 репрезентации поделени во 16 групи по три репрезентации.

Притоа ФИФА го зголемува и наградниот фонд од досегашниот 5,3 на неверојатни 8,6 милијарди евра и јасно е дека финансискиот мотов е главен аргумет.