ФИФА ги објави тројцата кандидати за наградата најдобар играч во годината

ФИФА ги објави имињата на кандидатите за најдобар играч на годината по избор на фудбалската светска организација.

За наградата „The Best“ ќе конкурираат Ван Дајк од Ливерпул, Меси од Барселона и Роналдо од Јувентус. Истите тројца фудбалери се натпреваруваа и за наградата играч на годината според УЕФА, а признанието го доби Ван Дајк.

За најдобар тренер ќе конкурираат Пеп Гвардиола (Манчестер Сити), Јирген Клоп (Ливерпул) и Маурисио Покетино (Тотенхем). Бекер од Ливерпул, Едерсон од Сити и Тер Штеген од Барселона се во конкуренцијата за најдобар голман.

Доделувањето на наградите ќе се оджи во Милано на 23. септември.