Финска не беше достоен противник, победа со плус 9 на стартот од квалификациите!

Денес ракометната репрезентацијата на Македонија ја пбеди Финска со 33:24 на стартот од квалификациите за Европското првенство.

На почетокот на мечот видовме игра гол за гол о така беше се до водството на Финска од 4:5. Од тогаш Македонија започна да игра подобро и со една серија од 6:0 стигнавме до 10:5. Финците дури тогаш го постигнаа првиот гол по пауза од неколку минути за 10:6 во 22. минута од мечот.

Финците во одбраната играа грубо па до таа 22. минута веќе изведовме 6 „седмерци“. На шест минути до крајот добивме уште еден пенал кој го реализираше Лазаров. Тогаш стратегот на Финска го повика првиот тајм-аут (12:6).

Тајм аутот не им помогна многу, па ние во последните две минути влеговме со предност од 14:8. Лазаров и понатаму беше енигма за гостинската одбрана. На полувреме заминавме со 16:10.

На стартот од вториот дел ние поведовме и со 17:10. Финците никако не успеваа да ни се доближат, а највисоката наша предност беше плус 8. (24:16). Тогаш дојде до едно опуштање во наштие редови, а шанса добија и оние кои не играат многу. Од нив се истакна Дарко Георгиевски кој набрзина постигна два гола, а во финишот додаде и уште еден со одличен шут од девет метри.

Во последните 10 минути Брестовац на голот му даде шанса и на Мартин Томовски. Во 53. минута одново ние дојдовме на највисоките +8 (29:21). Томовски добро ја искористи дадената шанса и во тие 10 минути собра пет интервенции. Митревски натпреварот го заврши со девет одбрани. Најефикасни кај нас беа Лазаров со 11 голови и Кузмановски со 6 гола.

На крајот ја победивме Финска со девет голови разлика 33:24.