Французинот Омар Берада ја напушти менаџерската позиција во Манчестер Сити за да се вработи како извршен директор во ривалскиот тим Манчестер Јунајтед. Берада се приклучи на Сити Фудбал Груп во септември 2011 година како шеф на меѓународниот бизнис развој и оттогаш има голем број различни улоги.
Францускиот стручњак наскоро ќе почне да работи во новиот клуб. Заминувањето на Берада е голем удар за Манчестер Сити, но и голем успех за Јунајтед.
Александар Вучковски - сомелиер: Како македонските вина го освојуваат светот? ↓↓↓
Легендарниот дефанзивец на Англија и Јунајтед, Рио Фердинанд (45), кој денес работи како стручен коментатор за медиумите на островот, беше воодушевен од неговото доаѓање. Во својот подкаст, тој откри дека луѓето во Сити не можат да веруваат како нивните најголеми ривали успеале да го доведат Берада.
„Разговарав со некои луѓе во Сити и тие не можат да веруваат дека Јунајтед го донесе. Леле! Тој направи толку многу во различни улоги. Тој беше успешен и неговото доаѓање е навистина голема работа за нас. Ова потенцијално може да биде едно од нашите најдобри засилувања во јануари“, рече Фердинанд, кој освои 15 трофеи со Јунајтед меѓу 2002 и 2014 година и забележа 455 настапи.
Англиските медиуми наведуваат дека не се знае кој ќе го замени Берада во Сити, кој во изминатите години соработуваше со спортскиот директор Тксики Бегиристајн и работеше на големи трансфери како Ајмерик Лапорте од Атлетик Билбао и Ерлинг Халанд од Борусија Дортмунд.
Учество во игри на среќа е дозволено за лица со 18+ години. Играј одговорно!