Феноменално прво, катастрофално второ полувреме, но сепак победа на Вардарки

После ракометарите на Вардар и ракометарките на македонскиот спортски бренд стартуваа одлични, вардарки денес беа подобри од тимот на Ференцварош.

Тимот на Вардар славеше со три гола разлика. Во овој натпревар одлично функционираше нападот, додека пак во вториот дел нашата одбрана сериозно потфрли и тука примивме дури 20 голови, за наша среќа грешките не ја загрозија победата на нашите претставнички.

Вардар на полувреме замина со одличен резултат и предност од дури девет голови разлика (20:11). Сепак оваа огромна предност на Вардар беше стопена во вториот дел кој Френцварош го доби со 20:14.

На крајот конечниот резултат гласеше 34:31.