Поради „заладените“ односи меѓу фудбалерот Федерико Киеза и тренерот Масимилијано Алегри и неизвесноста околу продолжувањето на договорот, Јувентус неодамна реши да ги слушне понудите за италијанскиот репрезентативец, а сега првата вест за конкретен интерес на големиот ривал – Рома.
Во печатеното издание на „Тутоспорт“ се наведува дека раководството на „волчицата“ е многу заинтересирано за соработка со ѕвездата на „Старата дама“, а особено интерес доаѓа од тренерот на Рома, Даниеле Де Роси.
Александар Вучковски - сомелиер: Како македонските вина го освојуваат светот? ↓↓↓
Де Роси неодамна го продолжи договорот и ќе ја води Рома и следната сезона, а како прв чекор за засилување на тимот го гледа доаѓањето на херојот на Италија од претходното Европско првенство.
Киеза пред три години го одигра фудбалот на својот живот на шампионатот на Стариот континент, а со два гола на седум натпревари, тие лидерски карактеристики на теренот ги доведоа „Азурите“ до титулата.
Де Роси потоа работеше како помошник на Роберто Манчини и имаше можност да се запознае со квалитетите на 27-годишниот напаѓач и е импресиониран од неговите квалитет.
Доколку Јувентус не се договори за продолжување на договорот со Киеза по летото 2025 година, најверојатно ќе биде принуден да го продаде ова лето.
Учество во игри на среќа е дозволено за лица со 18+ години. Играј одговорно!