ФА ја одреди суспензијата за Мане, Ливерпул најави жалба

Познат епилогот од црвениот картон кој Саидо Мане го заработи на „Итихад“.

Фудбалерот на Ливерпул заработи суспензија од три натпревари поради исклучувањето во натпреварот од Премиер лигата против Манчестер Сити, но од Ливерпул одлучија да приложат жалба.

Мане заработи црвен картон после судирот со голманот Едерсон кој во таа ситуација заработи и повреда, па мораше да биде заменет.

Од Ливерпул на крајот прифатија дека тоа бил старт за црвен картон, но веруваат дека суспензијата на Мане може да биде намалена на еден или два натпревари.

Конечната одлука за жалбата на Ливерпул ќе биде донесената во текот на утрешниот ден, а за сега е сигурно дека Мане го пропушти наредниот натпревар во Премиер лигата кој Ливерпул ќе го игра против Барнли.