Уште еден луд натпревар во НБА: Јанис постигна 55 поени! 🎥

Во НБА лигата продолжи серијата на луди поентерски натпревари откако Јанис Антетокумпо постигна 55 поени во победата на Милвоки над Вашингтон.

Јанис натпреварот го заврши со дабл-дабл од 55 поени, 10 скока и седум асистенции. Во последните четири дена ова беше четврти натпревар на кој некој играч постигнува 50+ поени.

Донован Мичел претходно влезе во историјата на НБА со 71 поен, Клеј Томпсон постигна 54, а Лука Дончиќ постигнуваше по 51 и 60 поени.

Бостон одигра натпревар со една од најслабите одбрани во својата историја затоа што прими 150 поени од Оклахома (150:117). Само еднаш во последните 77 години овој тим примил повеќе поени.

Во третиот натпревар во неизвесен дуел Јута славеше победа над Сакраменто од 115:117.