Ужас: ММА борец убиен на улиците во Белград!

Српскиот репрезентативец кој беше и освојувач на бронзен медал на Светското првенство во ММА, Стефан Савиќ бил убиен во утринските часови од неколку напаѓачи, објавија српските медиуми.

Големата трагедија ја потврди и ММА сојузот на Србија кој се збогубаше со Савиќ.

„Со големо жалење објавуваме дека во раните утрински часови почина нашиот млад репрезентативец, Стефан Савиќ. ММА борец со голем талент и посветеност, засекогаш ќе остане запишан во историјата со освојувањето на бронзениот медал“, соопшти ММА сојузот на Србија.

Медиумите од нашиот северен сосед пренесуваат дека борецот бил бркан од двајца напаѓачи низ улиците на Белград. Наводно причината била караница во ноќен клуб.