УЕФА се огласи: Објасни зошто беше поништен голот на Ајакс против Реал Мадрид (ФОТО)

Вечерва Реал Мадрид го победи Ајакс на гостувањето во Амстердам со 1:2.

„Кралевите“ ја оправдаа фаворитската улога на оваа средба, меѓутоа воопшто не им одеше лесно. Таљафико ја погоди мрежата на шпанскиот гигант уште во првото полувреме, меѓутоа после прегледувањето на ВАР погодокот  во првото полувреме беше поништен.

ВАР реагираше, а судијата Скомина после прегледувањето на снимката го поништи голот бидејќи Душан Тадиќ кој се наоѓаше во недозволена позиција наводно му пречел на голманот на Реал Тибо Куртоа.

После ова оваа одлука на ВАР која воедно беше и прва во Лигата на шампионите настана вистинска бура од реакции во фудбалската јавност. Навивачите на Реал имаа свое објаснување, додека другиот дел обвинуваше дека голот на Холанѓаните е неправедно поништен.

Вчера доцна после натпреварот поради таквата ситуација се огласија и од УЕФА и се обидоа да објаснат зошто голот на Ајакс бил поништен.

„ВАР во ЛШ: во 38. минута од натпреварот помеѓу Ајакс и Реал Мадрид, голот на Николас Таљафико со глава беше поништен по прегледување на снимките со ВАР. Судијата процени дека соиграчот на Таљафико, Душан Тадиќ е во офсајд позиција и му пречи на голманот, со што го оневозможува да игра или да биде во можност да игра со топката во моментот кога Таљафико со глава ја удира топката. Ова е во рамките на протоколот на ВАР и голот коректно беше поништен и беше досуден офсајд“, стои во објаснувањето од УЕФА.

preventing him from playing or being able to play the ball – as the header was being made. This was in line with VAR protocol and the goal was correctly overturned and a free-kick given for offside.

— UEFA Champions League (@ChampionsLeague) February 13, 2019