УЕФА одлучи: Голема промена во Лига на шампиони и Лига Европа

Европската куќа на фудбалот (УЕФА) денес објави значајна промена за тимовите во Лигата на шампионите и во Лигата на Европа, која ќе почне да се применува од следната сезона.

Имено, УЕФА дозволи во нокаут-фазата, доколку има продолженија, тимовите да имаат право на уште една измена.

Пред УЕФА, ваква одлука донесе ФИФА за Светското првенство во Русија, што се покажа како добар потег.

Правилото останува три измени за 90 минути, а потоа, ако победникот не е познат, уште една во дополнителното време.