УЕФА нема мир од Балканците: Хрватите барале усташки песни за загревање, Србите бурно реагираат!

Продолжуваат тензиите помеѓу балканските репрезентации на Европското првенство и одново во центарот на вниманието се Србите и Хрватите.

Видовме што се случуваше на натпреварот помеѓу Хрватска и Албанија, а сега од Србија најдоа и нови замерки.

Според информациите на српските медиуми, Хрватска до УЕФА испратила список на песни со кои би се загревале на натпреварот со Италија. На списокот стоела и песната од Марков Перковиќ Томпсон „Убава си“ која содржи усташки симболи и провокации кон Србија.

Претходно пред натпреварите со Албанија и Шпанија хрватските навивачи и фудбалери се загреваа со нивната фудбалска химна и „Срце огнено“. Имаше и други песни од хрватски изведувачи од: Мишо Ковач, Дорис Драговиќ, Магазин…

Како што велат Србите, ако УЕФА се одлучи да им ја пушти бараната песна од Томпсон тоа би било голем скандал.