Убав гест: Садио Мане ги израдува децата од неговото родно Бамбали

Садио Мане многупати досега покажа дека има големо срце и му помага на својот народ во Сенегал, а тоа го направи повторно и ги остави сите без зборови.

Мане веќе неколку години вложува илјадници евра за да изгради болници, училишта, бензински и останати работи во неговиот роден крај.

Сенегалецот е познат по тоа што е скромен и не троши пари за себе на луксузни јахти, автомобили или куќи, а овој пат реши да ги изненади децата во неговиот роден крај, Бамбали во Сенегал и да им донесе 100 дресови.

Секое дете кое било тој ден на фудбалскиот терен во рамки на училиштето кое го изгради Мане, доби дрес од својот херој.