Тухел призна, Кристенсен е надвор од тимот бидејќи одбива да го продолжи договорот

Менаџерот на Челзи, Томас Тухел призна дека дефанзивецот Андреас Кристенсен е надвор од тимот бидејќи одбива да го продолжи договорот со клубот.

Кристенсен има 13 одиграни меча за Челзи оваа сезона, но е надвор од тимот веќе еден месец. Данецот има договор со „сините“ до крајот на сезоната и неговата иднина на „Стенфорд Бриџ“ е неизвесна.

„Се надевам дека ова ќе влијае барем малку на ситуацијата околу неговиот договор. Долго време чекаме за потврда. Сега останува се во рацете на Андрес и треба да дејствува. Имам впечаток дека неговата желба е иста како таа на клубот“, изјави Тухел.

„Тој вели дека го сака Челзи и дека сака да биде важен дел од тимот, бидејќи навистина е важен за нас. Мислам дека се уште не ја завршил својата мисија во Челзи и треба да остане“, додаде менаџерот на „сините“.