Три шпански клуба ја сакаат ѕвездата на Рома

Преодниот рок во Италија е завршен, но клубовите и понатаму можат да продаваат играчи.

Рома донесе многу засилувања ова лето, но клубот го напуштија Наинголан и Алисон, па „волчицата“ инкасираше повеќе од 100 милиони евра.

Сепак, шпанските медиуми пренесуваат дека Рома би можела да продаде уште еден важен фудбалер до крајот на преодниот рок.

Имено, Севиља, Валенсија и Виљареал се силно заинтресирани за Диего Пероти. Овие клубови имаат уште седум дена да се обидат да го финализираат трансферот бидејќи трансфер пазарот во Шпанија се затвора на 31-ви август.

Иако Пероти сака да остане, прашање е колава минутажа ќе добива оваа сезона, бидејќи „волчицата“ на таа позиција го донесе Клајверт, кој брзо се вклопи во тимот.

Поради тоа италијанскиот клуб е спремен да го продаде Пероти доколку пристигне примамлива понуда од споменатите клубови.