Три понуди го искушуваат Кристиано Роналдо

Веќе неколку месеци се шпекулира дека Кристиано Роналдо не е задоволен од третманот кој го добива во Реал Мадрид и дека би можел да ја промени средината.

Особено неговото незадоволство се зголеми откако Меси потпиша нов договор со Барселона и стана најплатен фудбалер на светот.

Роналдо смета дека треба да биде најплатен фудбалер на светот, но претседателот на Реал, Флорентино Перез нема слух за неговите барања.

Таквата ситуација ги алармираше богатите европски клубови, кои веќе испратиле понуди до Португалецот, тврди еминентниот новинар Еду Агире во програмата „El Chiringuito“.

¡MUCHO OJO! Una OFERTA IMPORTANTE por Cristiano podría LLEGAR al Madrid en los PRÓXIMO DÍAS. ¡TODO YA en #JUGONES! pic.twitter.com/tw9XEMZ0bD

— El Chiringuito TV (@elchiringuitotv) January 4, 2018

Најголема желба на Кристиано Роналдо е да остане на „Сантиаго Бернабеу“, но не сака тоа да го направи по секоја цена. Наводно Португалецот ќе почека реакција од „кралевите“ во следниот месец, а потоа ќе почне да ги разгледува понудите.

Новинарот тврди дека Роналдо во моментов има три понуди, од кои едната е многу сериозна.