Тренерот на Џенова: Ќе го истепам Пандев ако се пензионира

Тренерот на Џенова, Давиде Балардини имаше само пофални зборови за Горан Пандев после победата над Наполи.

37-годишниот македонски капитен се уште игра во врвна форма и синоќа со два гола го „потопи“ својот поранешен клуб.

Имено, Пандев стигна до 97 постигнати гола во Серија А, а Балардини беше јасен дека нема да му дозволи да се пензионира после Европското првенство.

„Да го имаш Пандев во тимот е голема чест, тој е играч со карактер, што на тренерите им ја олеснува задача кога е крај вас. Ќе бидеме заедно до крајот на сезонава, а потоа ќе видиме… Доколку реши да се пензионира, ќе го тепам, нема да кажам на никој, ама ќе го тепам. Тој се плаши од мене“, изјави Балардини.