Шефот на стручниот штаб на Победа, Славољуб Бубања истакна дека победата над Вардар многу ќе значи за самодовербата на неговите фудбалери.
„Како што истакнав и во најавата за натпреварот, Вардар беше изразит фаворит.Ние поради состојбата на табелата моравме да се обидеме да направиме резултат. Очекував дека Вардар ќе биде уморен и истрошен по мечот со Реал Сосиедад во Лига Европа, иако имаше одередени ротации и замени со кои екипата беше освежена…Ова се многу значајни 3 бодови, можеби повеќе за поголема самодоверба“, изјави Бубања.
Дерби на Манчестер: Да се види кој е полош!? ↓↓↓
Тренерот на Победа даде коментар и за изјавата на Јаневски дека за поразот виновен му бил теренот на Могила.
„Сигурно кој губи има право да се лути. Јас не гледам во туѓиот двор туку ме интересира само мојата екипа. А можам да кажам дека оваа екипа дури има и хендикеп што теренот не е подобар.На подобар терен би имале и поголем посед затоа што имаме во екипата доста играчи што се квалитетни кога се во прашање техничката обученост која е на високо ниво“, заклучи Бубања.
Учество во игри на среќа е дозволено за лица со 18+ години. Играј одговорно!