Точно пред 19 години се случи едно од најголемите изненадувања во историјата боксот (ВИДЕО)

Пред точно 19 години се случи едно од најголемите изненадувања во светот на боксот.

До тогаш непознатиот боксер Хасим Рахман го шокираше светот и го победи апсолутниот владател во светскиот бокс Ленокс Луис.

Рахман во меч кој се одржа во Јужна Африка влезе како аустајдер со скор од 34-2 со само две поважни победи во кариерата над Тревро Бербик и Корие Сандерс.

Сите очекуваа Луис лесно да ја одбрани титулата, но на истекот на петтата рунда се случи чудо. Перфектната десница ја погоди брадата на британскиот шампион кој заврши на подот и судија го прекина мечот.

Нокаутот на Рахман важи за едно од најголемите изненадувања на сите времиња, а единствено пред него може да се смести првиот пораз на Мајк Тајсон од Бустер Даглас.

Шест месеци подоцна Луис си ги врати појасот. Брутално го нокаутираше Рахман во четвртата рунда во борбата одржана во Лас Вегас, потоа до крајот на кариерата Луис ги рушеше Мајк Тајсон и Виталиј Кличко и како шампион отиде во пензија.